ഭക്ഷ്യവിഷ ബാധ 15 ഓളം വിദ്യാർത്ഥികൾ ആശുപത്രിയിൽ

കാസർകോട്: ബർത്ത് ഡേ ദിനത്തിൽ സഹപാഠി വിതരണം ചെയ്ത മിഠായി കഴിച്ച് 15ഓളം വിദ്യാർത്ഥികൾ ആശുപത്രിയിൽ. മധൂർ കൊല്ലങ്കാനം സെന്റ് തോമസ് ഇംഗീഷ് മീഡിയം സ്‌കൂളിലെ ഒന്ന്, രണ്ട് ക്ലാസുകളിലെ വിദ്യാർത്ഥികളാണ് കാസർകോട് ജനറൽ ആശുപത്രിയിൽ നിരീക്ഷണത്തിലുള്ളത്. വ്യാഴാഴ്ച രാവിലെ 11ഓടെ ചോക്ലേറ്റ് കഴിച്ചതിനെ തുടർന്ന് വയറ് വേദനയും ചർദ്ദിയും തലകറക്കവും അനുഭവപ്പെട്ട ഇവരെ അധ്യാപകർ ഉടൻ തന്നെ ആശുപത്രിയിലെത്തിക്കുകയായിരുന്നു. രണ്ട് കുട്ടികളുടെ ബർത്ത് ഡെയാണ് സ്‌കൂളിൽ ഇന്ന് ഉണ്ടായിരുന്നത്. ഇതിൽ ആര് വിതരണം ചെയ്ത മിഠായിൽനിന്നാണ് വിഷബാധ ഉണ്ടായതെന്ന് വ്യക്തമല്ല. ഒന്നാം ക്ലാസുകാരായ മാളവിക(6) ഏയ്ഞ്ചൽ(6)രണ്ടാം ക്ലാസിലെ അനഘ (ഏഴ്), കൃഷ്ണ (ഏഴ്), ആഇശത്ത് അഷ്ഹൂമ (ഏഴ്), മഹിമ (ഏഴ്), ദാക്ഷിണേത്ര (ഏഴ്), ഫാത്വിമത്ത് ഫൈമ (ഏഴ്), വർഷിദ് കൃഷ്ണ (ഏഴ്), സാക്കിർ (ഏഴ്), സാഹിദ് (ഏഴ്), ഷഹദ് (ഏഴ്) എന്നിവരാണ് ആശുപത്രിയിലുള്ളത്.